( أبيات من اعماق الآهات)
أنأ حالياً متضايق أحس بقهر ..
مأحب أقول واتكلم .. ( الشكوى لغير الله مذله ) ..
بس الحمد لله اذا تضأيقت تذكرت ربي ودعيت واستغفرت ..
تعبـت اقـول لضيقـتـي سـهـود ومـهـود
الـيـا مـتـى هـالـعـذر بـيـكـون عـــذري
البـارحـة يـــوم اكـثــر الـعـالـم رقـــود
عـادت علـي اللـي تجـي منيـن مــدري
الضيـقـة الـلـي كـــل مـاراحــت تـعــود
مـكـانـهـا مـابـيــن قـلـبــي وصـــــدري
نــاسٍ تـنـام مدهـنـة فــي دهــن عـــود
ونــاسٍ تـنـام مـدهـنـة بـزيــت مـقــري
لاواهـنـي الـلـي حـلالــة مـــن الـــذود
تسعيـن وضحـى كـل مـاضـاق يـسـري
يـســج مـعـهـا كــــل مـاهـبــت الــنــود
يتبـع مسيـل السيـل فـي القـاع يـجـري
ماهوب مثلي من اقرب الناس مجحود
الله يـسـامـح مـــن طـعـنــي بـظـهــري
مـن راح ماكنـه علـى الـقـاع مـوجـود
مـايــدري انـــه اول اسـبــاب كـســري
كـل ماطرالـي قـلـت مــن قـلـت الـفـود
يـالـيـت مـنـهـو راح مــاعــاد يــطــري
لـو تستحـي مـن فعلهـا ايامـي الـسـود
كـان استحـت مبطـي ولا طـال صبـري
قـدمــت بالـمـوجـود لـخـاطــر الــجــود
لـيــن الـتـفـت ولابـقــى شـــي حـــدري
عطيـت مـن عمـري ولا شفـت مـردود
يـالـلأسـف لـلـنـاس ضـيـعـت عـمــري
واذا افرحوا واجـد علـى طيحـة العـود
هــذا دلـيــل انـــه فـعــل شـــي يـغــري
بوقـف لحالـي واتبـع الطـيـب والــزود
اشـره علـي ان صـغـر الـوقـت كـبـري
مانـي علـى بعـض المخالـيـق مـحـدود
امــــوت مـانـزَلــت لـلــنــاس قـــــدري
.........................
لا تقطع ارحامك ويشملك الوعيد
ولا تخسر الغالي ولا ترخص غــلاه
وأخوك لا تخسـره لو انـه عنيـد
يخطي ميـة مرة وتسمح له خطـاه
وان كان شد الحبل حاول ما تزيد
ارخيه قبل الشـد يوصل منتهــاه
ولا تنصحه وقت الزعـل ما يستفيد
واعرض عليه النصح في ساعة رضـاه
وليا طلـب رأيك عطـه رأيً سديــد
وان ما طلبك الرأي لا تبحث خفـاه
واعـرف ترى قرب المنازل ما يفيد
وأحيان يبدي شـي ما ودك تـــراه
لكن لا تقرب ولا تـنـزل بعـيــــد
خلك على قـول المثل حذفـه عصـاه
واحفظ حبال الود حفظك للوريــد
اللـي معلـق فيـه موتك والحيـاة
ترى الاخــو مهما حصل يبقى عضيـد
وترى عيال العم ما عنهم عنااااااة
الناس دايم ما تهاب اللـي وحيـــد
اللي ليا منه وقف محـدٍ معـــآآآآه
يبـايـع الـذمه على شـاري العـيـب
اترك لـحـوم الناس ما هـي تجــارة
لاتحسـب ان الطيب بشقـة الجيــــب
من شـق ستـر الناس شقـوا ستــارة
................
الشاهد الله بدونك ضايق صدري
ويفز قلبي لا جابو لك طاري
انا ذابحني غيابك وانت ما تدري
قلبك بعيد وانت ساكن افكاري
أسوق عمري غلا يوم الغلا مشري
وابيع كل البشر واصيرلك شاري
................
مقال عن الاخوان؟
ليست هناك تعليقات:
إرسال تعليق