شف يا ابوعلي كيف المواقف تحييك
والصاحب الي له جمايل تجيله
ماني بناسي وقفتك هذي وذيك
يومك شجاع وما يجي فيك حيله
اشهد بطيبك واشهد ان الكرم فيك
واشهد بصدقك والمواقف دليله
ازرع بذور الخير تكبر وترويك
واقطف نتاج اعمال خيرك جزيله
هذا يعزك واكثر الناس تغليك
وافعالك البيضاء تغطي قبيله
محبتك للناس بيضاء وتعطيك
ميزه صريحه وانت راعي الجميله
هذي مزايا فيك هذي عطاويك
هذي علومك ما رضينا بديله
احترت في وصفك ومادري شسميك
اسميك بن جلخف راعي الجميله
شف يا ابوعلي كيف المواقف تحييك
والصاحب الي له جمايل تجيله
يسعدني زيارتكم لبروفايلي
على الفيس بوك
تويتر
قناتي على اليوتيوب
ليست هناك تعليقات:
إرسال تعليق